giovedì 20 dicembre 2007

TIR' E MMOLLA


Tir' e molla, molla e tira
viri u vientu comme ggira?
Mmolla e tira, tir' e mmolla
'sta munnezza a chi la mollu?
Oggi a tte, rimani a mme
chi 'a vò? 'Nze po' sapè!
Ma veremmu d' a fernì,
j' da cca me n'aggia ascì!
Casanova nun ze po',
Carauottuli n' 'a vo',
e Casale che sta a ffa?
nun ze sente annummenà!
Che ne facciu 'e cheste balle
ca m'abboffanu le palle?
Mo' sapete che facimmu?
Je so' propriu nu sfaccimmu!
'E purtammu in alti piani,
addo steunu i 'mericani,
tra Cascanu e Casanova,
e che Ddiu ci' a manni bbona!
Uè, uagliò, nun sai che ffa?
'nce penzà, vatte a curcà
e 'ste balle, si te 'mporta
schiaffatelle arret' a porta!
'Stu cunzigliu nun te piace?
Megliu ca te fai capace,
ca sinnò... lacrime 'e sale,
caccherunu se fa... male!

TALIA

 
Design by Free WordPress Themes | Bloggerized by Lasantha - Premium Blogger Themes | Lady Gaga, Salman Khan